Dempuèi octòbre de 2008, un talhièr de danças tradicionalas d’Occitania existís a Besièrs. Portat a l’origina per l’associacion « Lo Camèl de Fuòc », s’adreiça a un public apassionat o simplament curiós de descubrir una autre biais de dançar, lo biais del balèti.
De musicians venguèron se jónher a la còla de dançaires. Ara es l’associacion occitana besierenca « Tu Tanben » que lo capdela.

Se debana cada dijòus (levat pendent las vacanças escolaras), de 8 a 10 oras del ser dins l’ostal de las associacions de Besièrs. 1èr e 3en dijòus del mes, aprendissatge amb una animatritz e una acordeonista. 2nd e 4en dijòus, balèti amb los musicians del talhièr.
L’objectiu es de reviscolar la dança de balèti. Los dançaires son totjorn lèstes d’anar sus las plaças e dins las salas per transmetre los pases de basa dins lo balèti ont se crosan las generacions totjorn dins un ambient dinamic e gaujós.
Per mai d’entresenhas : Contacte