Lo Cine Òc a Montadin

Hélène Bussière e las animatrises del Cirdoc e de Tu Tanben

Hélène Bussière e las animatrises del Cirdòc (Institut Occitan de Cultura) e l’Associacion Tutanben (que desvolopa d’activitats culturalas occitanas) se son rescontradas a la Sala Nougaro de Montadin per una seança de Cine Òc.

De costuma lo Cirdòc presenta cada dos meses, un documentari, un film o un dessenh animat en occitan, o en ligam amb la region, dins los locals de Besièrs.

Aqueste còp, foguèt presentat « Idiomes », una escorreguda linguistica, film escrich e realizat per Hélène Bussière. Un agach curiós e benvolent, que pausa la question de l’avenidor de las lengas  ditas regionalas, inscrichas al patrimòni de França dempuèi 2008.

Una descobèrta de paisatges remirables, mas tanben de personatges originals que representan nòstra diversitat, nòstra cultura, nòstra istòria e nòstra identitat d’Alsàcia a Corsega en passant per Bretanha, lo Paìs Basc e Occitania.

Hélène Bussière, jornalista e realizatritz a encantat lo public de per son trabalh mas tanben al moment dels escambis a la seguida de la projeccion.