Lo Calendièr de Decembre de 2019

Vaquí vengut lo temps novèl !

Dintram dins una novèla temporada, la de l’ivèrn, amb son flum de tancaduras e de doberturas, de començaments e de fins. Per aquela dintrada, sota lo signe del renovèlament e l’espèra de l’anóncia d’un temps melhor, bensai, poiriam dançar per festejar lo solstici ?

Per de que, d’aqueste mes de decembre, qu’i a pas brica de salas liuras per cantar, tanpauc de film au Cirdòc, nimai d’Aperitiu Occitan, podèm, mai que mai, dançar.

Doncas, dançarem lo 5/12 amb Laureen a l’acordeon e Patrícia per l’aprendissatge, puèi dançarem lo 12/12 al mini balèti amb los musicians del talhièr, e dançarem lo 19, tornamai amb Laureen e Patrícia. Es totjorn a la MVA tre 8 oras del ser.

Gardem lo vam !

Bona fèsta del solstici !

Nadaleta per la còla de Tu Tanben