Jornada occitana

Cada annada, al mes d’octobre , Tu Tanben organiza una jornada occitana a Bojan de Libron.
La tòca es de far descobrir als non-initiats çó qu’es la cultura occitana, sa lenga, sas costumas, sa riquesa.
L’escambis i es lo mèstre-mot.
A l’entorn d’activitats diversas, d’una mòstra causida amb l’ajuda del Cird‘Òc, lo partenari nòstre, d’intervenent(s) exterior(s), volem ofrir d’animacions de qualitat dobertas a totes.
Dins lo meteis estat d’esperit, d’animacions o de jòcs educatius per enfants son organizats.
Coma totjorn en Occitania, de cants son prevists sià al mitan de la mòstra a l’ora de l’aperitiu, siá dins la gleisa amb lo grop de cants polifonics « Las Farfantèlas », o al vèspre a l’escasença d’una cantèra aperitiva qu’es un moment de partatge e de paratge !
E, plan segur, la dança es tanben a l’onor, lo ser amb un grand balèti.

Jornada occitana 2018