Bona annada 2022 !!!

Après aqueste periòde que nos tenguèt plan alunhats los uns dels autres, 2022 arriba amb una rajada de vòts mai caluroses, mai energisants, mai que jamai fòls, portaires d’espèr de tornar trapar pauc a pauc totas nòstras activitats preferidas (si si , i cresèm fòrt fòrt frt…, darrièr las masquetas !!!).

BONA  ANNADA petonejanta, bombissenta, cantanta, colorada, calurosa, musicala, cultivada e occitana, e subretot encantadoira e en bona santat. 

BONA  ANNADA completament englasida o desglasida !!! 

BONA  ANNADA a totes e totas d’aicí e d’alai.

E tre ara e ja, vos presentam las activitats del mes de genièr, se las condicions sanitàirias o permeton, evidentament.
La Dança : los  dijòus de ser tre 8 oras manca 15, a la sala C. Molinièr de l’espaci Daniel Cordier (MVA – Besièrs).

  • los  dijòus 1 e 3 del mes : talhièr danças
  • los dijòus 2 e 4 : petit balèti amb los musicians
  • Lo Cine Òc torna prene lo dimècres 12 de genièr a 6 oras e mièja del ser al Cirdòc , amb una projeccion per descobrir çai-jos.

Esperam que lo vam dels unes e l’energia dels autres, vos donaràn enveja a totes e totas de nos rejónher tot lo long del mes de genièr, dins lo respècte de las règlas sanitàrias en vigor, plan segur.